(( يابن ادم يا ويلك يابن ادم من الدنيا ومن الزمن ))

يابن ادم يا ويلك يابن ادم من الدنيا ومن الزمن
يابن ادم عمرك ماغلط غلطه وبتدفع التمن
تايه والدنيا زحمه ومعدش فى ضميرهم رحمه
والفرح ده بس كلمه ماتت وسط الشجن
عمرك ماكسبت حاجه وبتخسر كل شىء
عايش مدفون فى دنيا فيها انت ارخص شىء
ماهو كل شىء بيغلى الا الانسان رخيص
واللى الاخلاص فى طبعو يصرخ ولا حد سامعه
اللى يعمل خير بيندم واللى زمنه اداه بيظلم
اللى بتبنى فى يوم عشانه اما يكبر فيك بيهدم
الخسيس يكبر ويعلى الرخيص بقى تمنه اغلى
واللى شلته فى جرحه نازل والاصيل رحال فى رحله
السنين زى السفينه ونهايتها دموع حزينه
والوفاء مش لاقى بر والحنان مش لاقى ميناء
على اخر الزمن
عيشنا فيك يا زمان وشوفنانفترى ونقول ظروفنا
واللى شالنا فى عز خوفنا خدنا تمنه مؤدمنا
اخرت المعروف بيرجع وفى قلوبنا هم يوجع
وفى قلوبنا الهم ساكن لو شكينا مين هيسمع
كل واحد راح فى وادى والالم والحزن عادى
واللى جرحه فى قلبه واجعه عاش ياعينى بجرحه راضى
على اخر الزمن
ليه يادنيا اللى وافيتله عض ايدى اللى اتمدتله
دا اللى كنت فى عز جرحه زى ضله تمام واقفله
اه يا ميت مليون خساره القلوب زى الحجاره
وانت ليه كده يابن ادم ضحكتك فيها المراره
جايلك يوم يابن ادم فيها تترد المظالم
فيها يبكى كل ظالم والسنين تملاه ندم
والناس بقى تتعلم من كتر اللى حصلى