قصيده أحرفها دمعات قلب

قصيدة كتبها شاب حصل له حادث سيارة وَ كانت معه والدته

نتيجة هذا الحادث ::

توفيت والدته رحمها الله و كانت إصاباته خفيفة فقال هذه الأبيات للذين يواسونه ..

يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى الي يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني
ROMio

ياله من كلامات حزينه قاسيه يعلم الله انه مايقدر احد ان يوصف ما بداخله لانه حزن العالم لا يكفى دمعة عين من ام بسب ولادها

ولكنه لا يلوم نفسه فهو عاجز عن محادثاته وهو ليس بيده شياء يفعله ولكن ظن انه السبب سوف يضى عليها

كان الله فى عونه هو ارحم الراحمين

مشكور ياروميو

بجــــــــــد قصيده مؤثرة اووى

الله يرحم والدته والتواسى والآسى شىء من التخفيف واصبـــــــر

شكرا روميـــــــو